Åarjelsamien Vierhtiesåafoe lea Aarportes, Nordlándda fylkkas. Aarpije lea várri mii lea Aarporte lahka.

NSM

LSM NB SV SSM

Manin Aarborte? Aarportes lea internáhtta mii lei duiskka soahtehearráid orrunbáiki nuppi máilmmisoađis. Internáhta bálddas lea skuvla mii huksejuvvui 1970: logus.

NSM

LSM NB SV SSM

Gaska Norgga Sámeskuvlla álggahedje jagi 1951. Dalle ledje 40-50 oahppi. Skuvlii čoahkkánedje oahppit miehtá lullisámi guovllu.

NSM

LSM NB SV SSM

Jagi 2022 lei 70 jagi-ávvudeapmi. Skuvla lea ollu rievdan álggaheami rájes, sihke ohppiidlogu ektui ja maiddái doaimmahan- ja oahpahusvuogi ektui.

NSM

LSM NB SV SSM

Skuvla ovdána máŋgga ládje, skuvlašillju ođastuvvo ja dohko ceggejuvvo darfegoahti ja njalla. Mii maiddái ovdánit digitálalaččat ovdamearkka dihte digilærain ja learnlabain.

NSM

LSM NB SV SSM

Mii fállat gáiddusoahpahusa golmma sámegielas-lulli, julev ja davvisámegielas. Mis lea earenomážit ovddasvástádus julev ja lullisámegielas. Mis leat oahppit miehtá norgga, ja maiddái muhtin oahppit ruoŧabealde.

NSM

LSM NB SV SSM

Mis lea gáiddusoahpahus ja maiddái gielladeaivvadeamit. Dat fállojuvvo vai oahppit olahit gealbomihttomeriid ja ovdánit gielain iešguđetlágan oahpahanvugiiguin. Mis leat golbma dási ohppiide, mánáid-, gaska- ja nuoraiddássi.

NSM

LSM NB SV SSM

Gielladeaivvademiin deattuhit sámegiela ja sámi árbevirolašmáhtu. Barggut leat heivehuvvon boazodoalu ja sámi gávcci jahkeáigodaga mielde. Mii ávkkastallat luonddu riggodaga ja atnit dan oassin oahpahusas.

NSM

LSM NB SV SSM

Eará gelddolaš doaimmat sáhttet leat earret eará: sámi álbmotbeaivvi-ávvudeapmi, sámi giellavahkku ja čalmmustahttit sámi dološ osku.

NSM

LSM NB SV SSM

Gielladeaivvadeamis, mii bistá sotnabeaivvis duorastahkii, oahppit orrot internáhtas. Internáhtas leat čađat bargit mat bearráigehččet ohppiid. Maŋŋil skuvlla leat asttoáigge-doaimmat nugo vuojadeapmi, sáhttá filmmaid geahččat, valáštallan, muitalusbottut jna.

NSM

LSM NB SV SSM

Váhnemat leat buresboahtin Aarbortii čuovvut iežaset mánáid internáhtás.

NSM

LSM NB SV SSM

Åarjelsaemien Vierhtiesåafoi mii bovdet jahkásaččat váhnemiid ja skuvllaid rabasbeaivái ja diehtojuohkimii.

NSM

LSM NB SV SSM

ÅSV fállá bargobájiid mánáidgárddiide, vuođđoskuvllaide, álbmotallaskuvllaide ja Allaskuvllaide. Orro go gelddolaš skuvla?

 

NSM

LSM NB SV SSM