Greta Thunberg aqqanilinnik ukioqarluni immami plastikkinik mingutsitsineq pillugu filmersimavoq. Taamaalilluni paasivaa pinngortitami mingutsitsineqartoq tamatumalu kingunerigaa silaannaap kissatsikkiartornera.

KL

SV DA LT IS DE FO FI

2018-mi Greta atuarluni allaaserinnissimavoq: “Ilisimasaqarpugut, iliuuseqarsinnaallutalu massakkut”. Namminerlu aalajangerluni iliuuseqarniarluni. Allagartarsualioriarluni cykelerluni naalakkersuisut ataatsimiittarfiata silatanukariarluni, ingilluni akerliussutsimik takutitsivoq.

KL

SV DA LT IS DE FO FI

Sapaatit akunnerini arlalinni ullut atuarfiusut allortarlugit tassani akerliussutsimik takutitsilluni issiasarpoq. Sverigemi naalakkersuisut eqqaasikkusuppai Parisimi isumaqatigiissummik. Aamma umiatsiamik USAmut angalanikuuvoq silaannaap allanngoriatornera malugitikkumallugu.

KL

SV DA LT IS DE FO FI

Greta Tintin Eleonora Ernman Thunberg Stockholmemi januarip pingajuani 2003 inunngorpoq. Angajoqqaarivai, angutaa Isiginnaartitsisartoq Svante Thunberg arraa operamik erinarsortartoq Malena Ernman. Greta Aspergers syndromemik innarluuteqarpoq.

KL

SV DA LT IS DE FO FI

Aspergers syndromeqarneq, tassaavoq innarluummut Autismemut assingusoq. Taamatut innarluutillit inooqataanermut akuuniarnikkut ajornartorsiuteqarajuttarput. Greta Thunbergip taamatut innarluuteqarnini tulluusimaarutigisarpaa, isumaqarami aspergereqarnermi sapiitsorsuutikkaani.

KL

SV DA LT IS DE FO FI

Greta Thunbergip akerliussutsimik takutitsisarnini nunarsuaq tamakkerlugu tusaamasaassutigivaa. Maluginiarneqartorujussuuvoq, aamma nunani assigiinngitsuni arlalinni inuit nuimasut naapittarpai. Oqariartuutigisarpaa silaannaap allanngoriartornerata piaartumik ilorraap tungaanut aallartittariaqarnera.

KL

SV DA LT IS DE FO FI

2018/2019 Greta Thunberg nunarsuarmi angalavoq, silaannaap kissatsikkiartornera pillugu ataatsimmiinernut oqalugiariartorluni, Englandimi naalakkersuisut ataatsimiittarfiani oqalugiarluni paavi Franciskus Romami naapinnikuua aamma Dalai Lamamit pinngortitamik eriaginnittuneranik  nersorinnissutinik allagarsinikuuvoq.

KL

SV DA LT IS DE FO FI

Greta pinngortitamik eriaginninnermik soqutiginninnera nunarsuarmi tamani tusaamaneqaatigivaa, pingaartumik innusuttut akornanni. Oqariartuutaa inunnit milliuunilikkaanit tusarneqareerpoq. Aamma isornartorsiorneqartarpoq. Gretap kissaatigivaa ilisimatuut tusaassagigut pinngortitamik eriaginninnissatsinnut.

KL

SV DA LT IS DE FO FI

Atuartut nunani 100 sinnerlugit amerlatigisuneersut akerliussutsimik takutitsereerput politerinut pinngortitamik eriaginninnerunissamik oqariartuuteqarlutik. Gretap oqaasinnaarivaa “siunissatsinnik arsaarpatsigut”.

KL

SV DA LT IS DE FO FI

2018- mi Greta nersornaatisivoq inuusuttunut maligassiuisutut. Time Magazine december 2018- mi Greta nunarsuarmi tamani inuusuttuaqqani sunniuteqarnerpaat akornanni nr 25- usoq. Tammaammat marts 2019-mi Nobelimik nersorneqartussat akornanni inissinneqarluni.

KL

SV DA LT IS DE FO FI

Greta sullinermut sikannertuumut Kenyami nassaarineqaqqammersumut atsiunneqarpoq. Nelloptodes gretaemik. Taanna sungaartuuvoq, tappiitsuuvoq suloqaranilu. Marlunnik maluginiuteqarpoq  soorlu Gretap perlaajai. Londonmi pinngortitaleriffimmiit pinngortitamik illersuinera pillugu nersorniarlugu atsiutippaat.

KL

SV DA LT IS DE FO FI

Gretap siunnisarivaa pinngortitamik illersuinissani. FN- ip nunarsuarmi angunigassatut siunniussaata 13-at imaqarpoq silaannaap allanngoriartorneranik akiuiniarnissaq. Illit ulluinnarni pinngortitamut qanoq iliuuseqarsinnaavit?

KL

SV DA LT IS DE FO FI