Åarjel-saemiej skuvle er ein samiskur skúli í Snåsa miðskeiðis í Noregi.

FO

SSM NB DA IS SV NSM FI

Åarjel-saemiej skuvle er ein lítil skúli. Heystið 2019 ganga 17 næmingar í skúlanum. 1.- 4. flokkar eru í sama høli og 5. - 7. í einum øðrum høli.

FO

SSM NB DA IS SV NSM FI

Næmingarnir koma frá ymiskum plássum í Noregi og onkur eisini úr Svøríki. Tí búgva summir av næmingunum á kostdeild. Kostdeildin verður sum eitt heim fyri tey børnini. Tey hava hvør sítt kamar og fáa mat og umsorgan.

FO

SSM NB DA IS SV NSM FI

Í 1961 varð avgerð tikin um at seta samiskan skúla á stovn í Snåsa. Kostdeildin var liðug í 1968. Fyrstu árini húsaðist skúlin í hølum í Vinje skúla.

FO

SSM NB DA IS SV NSM FI

2. desember 1977 varð Åarjel-saemiej skuvle tikin í nýtslu, og vit fingu okkara egna skúla. Seinni eru bæði kostdeildin og skúlin útbygd.

FO

SSM NB DA IS SV NSM FI

Fyrsti skúlastjórin í Åarjel-saemiej skuvle var Ella Holm Bull. Ella arbeiddi fyri suðursamiska málinum alt lívið, og hon skrivaði nógvar skúlabøkur og yrkti nógvar sangir. Árini 1989-1993 var hon vald inn í samiska tingið.

FO

SSM NB DA IS SV NSM FI

Umframt vanligu lærugreinirnar sum støddfrøði, ítrótt, norskt og enskt hava vit suðursamiskt sum fyrsta ella annað mál. Summir næmingar hava eisini norðursamiskt. Lærararnir tosa bæði samiskt og norskt. Duedtie er samiskt handverk.

FO

SSM NB DA IS SV NSM FI

Åarjel-saemiej skuvle veitir eisini fjarundirvísing í samiskum fyri næmingar, sum ganga á øðrum skúlum. Hesir næmingar koma á okkara skúla, tá vit hava vitjanarvikur.

FO

SSM NB DA IS SV NSM FI

Vit hava fýra vitjanarvikur um árið, tvær fyri jól og tvær eftir jól. Tá arbeiða vit við ymiskum evnum, t.d. at flyta reinsdjórini um várið, samiskum handverki, ævintýrum og at gera eina avís.

FO

SSM NB DA IS SV NSM FI

Næstan hvønn dag eta vit døgurða á kostdeildini. Tá fáa vit fisk, pannukøkur, pasta, reinsdjórakjøt og mangt annað.

FO

SSM NB DA IS SV NSM FI

Um heystið fara vit, har reinsdjórini verða rikin og flett. Næmingarnir eru uppií og hjálpa til við at fáa skúlanum reinsdjórakjøt.

FO

SSM NB DA IS SV NSM FI

Hvørt ár plaga vit at hava ein matdag. Vit gera samiskan mat og eisini altjóða mat. Síðani bjóða vit foreldrum og systkjum til døgurða.

FO

SSM NB DA IS SV NSM FI

Annað hvørt ár fara vit til Røros til samiska mentanarfestivalin Raasten Rastah. Har kunnu vit velja millum nógvar ymiskar verkstovur sum handverk, ítrótt, málspøl, tónleik og m.a.

FO

SSM NB DA IS SV NSM FI

Í undirhæddini í skúlanum heldur samiski barnagarðurin til. Hann eitur Suaja maanagïerte. Skúlin og barnagarðurin gera ymisk tiltøk saman. Vit fara t.d. útferðir, hátíðarhalda samiska tjóðardagin o.s.fr.

FO

SSM NB DA IS SV NSM FI

Í 2018 hevði Åarjel-saemiej skuvle eitt stórt hátíðarhald, tí skúlin varð 50 ára gamal. Bæði fyrrverandi næmingar, lærarar og aðrir gestir vitjaðu. Hetta var eitt stórt hátíðarhald við konsert, framsýning, góðum mati og nógvum øðrum.

FO

SSM NB DA IS SV NSM FI

Minnist tú, hvørji mál, vit læra í okkara skúla?

FO

SSM NB DA IS SV NSM FI