Wasaloppeð ir įe skaiðtävlingg i Swerre fuost jågdę i mass wert år. Wasaloppeð ir gamblest og styösst i wärdn dar dier renn uvendes launggt ą̊ skaiðum.

OVD

SV IS DA NB NN FI

Startn ir i Seln og mą̊leð ir i Mųora. Loppeð ir niu mil launggt. I Mųor stand eð “I fäðrumes andyr fer siegrum framter wärdn.”

OVD

SV IS DA NB NN FI

Eð ietter Wasaloppeð för eð war ą̊ strettją Gustav Wasa rennd mes an ulld tågå sig að Norre. An fuor dait för te int werd elað av danskkunundjem.

OVD

SV IS DA NB NN FI

Danskkunundjin willd el ollum so ärd aðelssläktum til, auti diem Gustav Wasa, feðyö aðeln add buoðið til fą̊ dieðą̊ kunundjin.

OVD

SV IS DA NB NN FI

Eð ir ųolaik skaiðtävlingger dar Wasaloppswiką̊ ir, fer eksempel unggduomswasą, kullwasą, åvwasą og yppen andyr.

OVD

SV IS DA NB NN FI

2017 starteð 13997 fuok og åv diem kam 12626 i mą̊l. Bar an wið og kumb i mą̊l fą̊r an ien krans ringgum åsn åv ien kranskull eld ienum kransmase.

OVD

SV IS DA NB NN FI

Fuost Wasaloppeð war 1922 og bar tråy lopp etter eð åvå uorteð instellder. Nils “Moranisse” Karlsson (1917-2012) ir an so ar uonneð mjäst gaungga, 9 gaunggär.

OVD

SV IS DA NB NN FI

Fuost kunundjin so rennd Wasaloppeð war Carl XVI Gustav, so war min i loppę 1977.

OVD

SV IS DA NB NN FI

Oll menistjur frą̊ ųolaikum landum fą̊ wårå min i Wasaloppę, men an fą̊r luv wårå nittją̊ år.

OVD

SV IS DA NB NN FI

Edd du wilað renn Wasaloppeð nossn framter wärdn?

OVD

SV IS DA NB NN FI