Flytifuglar eru fuglar, sum ferðast millum lond eftir árstíðunum.

DA SV NB IS

Við at ringmerkja fuglar, kanst tú millum annað finna útav, hvar flytifuglarnir eru um veturin. Í Føroyum varð fyrsti fuglurin ringmerktur í 1912. Síðani hava 100.000 fuglar fingið ein ring við einum tali um beinið.

DA SV NB IS

Likkan er ein mási við grásvørtum baki og gulum beinum. Nevið er eisini gult við einum reyðum bletti á undirnevinum. Likkan reiðrast í Føroyum og fer síðani til Portugal og Marokko um veturin.

DA SV NB IS

Súlan er ein sera vakur sjófuglur og verður av summum eisini kallað atlantshavs-drotningin. Hon kemur til Føroya longu í januar og eigur bara á Mykineshólmi og á tveimum drangum. Í oktober fer hon til Vesturafrika.

DA SV NB IS

Ternan er tann fuglurin, sum flýgur longst. Um summarið reiðrast hon í Føroyum, men um veturin heldur hon til við Suðurpólin.

DA SV NB IS

Lundin kemur til Føroya í apríl. Hann er ein svartur og hvítur sjófuglur við vøkrum stríputum nevi. Lundin fær borið fleiri enn 20 nebbasildir í nevinum í senn.

DA SV NB IS

Spógvin er ein hagafuglur, sum reiðast í Føroyum um summarið. Hann hevur eitt bogið nev. Í august-september flýgur hann til Vesturafrika.

DA SV NB IS

Tjaldrið er tjóðfuglur okkara. Á grækarismessu, 12. mars, hátíðarhalda vit, at tjaldrið og várið er komið. Tjaldrið flýgur suður til Onglands og Fraklands í september.

DA SV NB IS

Hvørjar aðrar flytifuglar kennir tú?

DA SV NB IS