Eg er ein ung fyr på nesten 18 år. Eg heiter Ståle og bur i Danmark. Min mor er norsk og min far er dansk. Eg har Cerebral Parese (CP).

NN

DA IS KL DE NB SV FO LT

Cerebral Parese blir òg kalla spastisk lamming. Det er ein hjerneskade som gjer at hjernen ikkje kan styre musklane normalt. Cerebral Parese oppstår enten hos fosteret, under fødselen, eller like etter fødselen.

NN

DA IS KL DE NB SV FO LT

Dei fleste tilfelle av CP kjem av ein medfødd hjerneskade. Kun 10% av skadane skjer under, eller kort tid etter fødselen. Det blir fødd omlag 150 born i året med CP i Danmark.

NN

DA IS KL DE NB SV FO LT

Min mor fekk svangerskapsforgifting, og eg var nær ved å døy i mor sin mage. Eg blei fødd med keisarsnitt 5 uker før tida. Eg var veldig liten, for eg hadde fått for lite næring og oksygen.

NN

DA IS KL DE NB SV FO LT

Etter fødselen var eg nær ved å døy ein gong til. Eg fekk krampar og låg i koma på grunn av vatn i hovudet. Hjernen min var skada av alt han hadde vore utsett for. Alle trudde eg ville blir så handikappa at eg ikkje ville kunne lære noko. Ikkje gå, ikkje snakke, ikkje ete sjølv eller kunne gå på do.

NN

DA IS KL DE NB SV FO LT

Eg var omlag 1 år då eg fekk diagnosen Cerebral Parese. I tillegg utvikla eg epilepsi, som gir krampeanfall, men det har eg heldigvis blitt kvitt.

NN

DA IS KL DE NB SV FO LT

Eg har blitt operert mange gonger. Legane har forlengt senene mine, sånn at eg kan sitje normalt, stå, og gå med støtte. Eg har fått fysioterapi, og fått fleire og betre hjelpemiddel, til dømes ein rullator, og ein elektrisk rullestol som kan køyre langt og fort!

NN

DA IS KL DE NB SV FO LT

Sjølv om eg er handikappa, og det har vore vanskeleg å lære, så kan eg i dag gå med hjelp av ein rullator. Eg kan snakke, gå på do og ete sjølv - ja, i det heile klare meg mykje sjølv eller med berre litt hjelp!

NN

DA IS KL DE NB SV FO LT

Skulegangen min har vore på spesialskule. Først på Special Center Brændkjær og seinare ungdomsskule på Special Center Vonsild i Kolding. Eg har møtt dei fleste av vennane mine og kjærasten min her.

NN

DA IS KL DE NB SV FO LT

Foreldra mine skilde seg då eg var liten. Det har ikkje alltid vore heilt lett. Huset til faren min var ikkje handikappvennleg, og det var vanskeleg å komme seg rundt. Så vi var nøydd til å flytte til ein meir eigna bustad. Min mor bur no i Noreg. Det er litt styr å reise fram og tilbake.

NN

DA IS KL DE NB SV FO LT

Snart fyller eg 18 år, og er på veg til å bli vaksen. Eg skal starte på STU (Særleg Tilrettelagd Utdanning), og eg gler meg. Eg tykkjer eg har eit godt ungdomsliv med venar, kjærast og fester. Eg har tru på livet, og sjølv om ein nokon gonger har lyst til å gje opp når alt er vanskeleg, så er det viktig å prøve.

NN

DA IS KL DE NB SV FO LT

Eg har nådd dit eg er i dag på grunn av dyktige legar og sjukepleiarar. Det er eg takksam for. Eg får ikkje det same livet som andre unge, men eg har eit kult liv.

NN

DA IS KL DE NB SV FO LT

Eg drøymer òg om ei framtid med kjærasten min, der vi kan klare så mykje som mogleg sjølv. Kva er dine utfordringar i livet? Kva drøymer du om?

NN

DA IS KL DE NB SV FO LT