Undir 2. heimsbardaga savnaðu fólk í Danmark pening, mat og klæðir saman til íbúgvarnar í Noregi. Henda hjálp verður í  Noregi kallað “Danskehjelpen” (Danahjálpin), og í Danmark “Norgeshjælpen” (Noregshjálpin).

FO

NB DA IS SV KL LT

Tað vóru tríggjar norskar konur, sum búðu í Keypmannahavn, sum byrjaðu innsavnanina. Hetta varð gjørt gjøgnum m.a. “Den norske damekomité” og “Norgesfonden.”

FO

NB DA IS SV KL LT

Í tíðarskeiðinum frá 1941-1945 sendi Noregshjálpin hvønn dag 22 tons av matvørum úr Danmark til Noregs. Samanlagt vórðu 32.000 tons send avstað. Tað svaraði til 10 kg av mati til hvønn normann.

FO

NB DA IS SV KL LT

Læknar og prestar býttu matin út til íbúgvarnar. Hvønn dag fingu norskir skúlanæmingar eina máltíð av havrasuppu. Reiðiliga 42 milliónir krónur vórðu savnaðar inn, sum í dag hevði svarað til umleið 1,8 milliardir krónur.

FO

NB DA IS SV KL LT

Atvoldin til mattrotið í Noregi var, at mong í Noregi valdu at gera mótstøðu móti týskarum, meðan fólk í Danmark valdu at samstarva við Týskland.

FO

NB DA IS SV KL LT

Kríggið í Danmark var av 5. mai og í Noregi 8. mai 1945. Tá helt Danahjálpin eisini uppat.

FO

NB DA IS SV KL LT

Tá kríggið var av, vóru 13 milliónir krónur eftir. Tær vórðu nýttar til at stovna grunnin “Fondet for dansk-norsk samarbeid.” Hetta var 1. mars 1946.

FO

NB DA IS SV KL LT

Sum tøkk fyri hjálpina undir 2. heimsbardaga góvu norðmenn dønum bygningin Lysebu í Oslo sum fólkagávu. Tað vóru norðmenn, sum savnaðu pening saman at keypa bygningin fyri.

FO

NB DA IS SV KL LT

I 1950 keypti grunnurin Schæffergården í Gentofte, soleiðis at grunnurin fekk heimstað í báðum londum.

FO

NB DA IS SV KL LT

Grunnurin hevur síðani veitt dønum og norðmonum peningaligan stuðul til at fara á skeið, serliga læraralesandi og lærarum, fyri at økja um kunnleikan til grannamálini í Norðurlondum. Bæði støðini skipa eisini fyri konsertum, listaframsýningum og mentanartiltøkum.

FO

NB DA IS SV KL LT

Kennir tú til aðrar týðandi frásagnir frá 2. heimsbardaga?

FO

NB DA IS SV KL LT