
Tilbage til søgning
Helga Dögg Sverrisdóttir
Slysavarnadeildir heyra undir Slysavarnafélagið Landsbjörg sem verður 90 ára í ár, 2018. Öll vinna þeirra er sjálfboðið starf.
Að mestu eru það konur sem starfa í slysavarnadeildum og störfin, í gegnum 80-85 ár, hafa verið mjög fjölbreytt.
Áður fyrr prjónuðu konur tvíþumla vettlinga, nærföt og fleira úr ull fyrir sjómenn sem þá unnu á opnum bátum. Kuldinn var mikill og sjómennirnir ánægðir að fá gjafirnar.
Slysavarnadeildir og björgunarsveitir minna á 1-1-2 daginn með ýmsum uppákomum. Lögregla, sjúkralið og slökkviliðið er oft með á þessum degi.
Margar deildir gefa alls konar gjafir. Má þar nefna reykskynjara, endurskinmerki og vesti og heyrnarhlífar. Oft eru það börn sem fá gjafirnar.
Í samvinnu við lögreglu eru hjól og hjálmar yfirfarnir hjá börnum. Bílbeltakönnun er framkvæmd þegar foreldrar koma með börn sín á leikskóla til að athuga hvort þau séu spennt í bílnum.
Á sjómannadaginn, sem er fyrsti sunnudagur í júní, heiðra félagar í Slysavarnadeildum látna og týnda sjómenn með nærveru sinni í messum víða um land.
Deildirnar þéna peninga á t.d. kaffisölu, erfidrykkju, rafhlöðusölu sölu reykskynjara, skeyta og harðfisks.
Félagar í slysavarnadeildum gera sér ýmislegt til skemmtunar. Þeir hittast á þingum og fundum inn Landsbjargar auk þess sem deildirnar að heimsækja hvor aðra.
Slysavarnadeildir hafa tekið þátt í hálendisvakt Landsbjargar, Safe travel, ásamt björgunarsveitunum og hjálpa til við ýmis störf.