
Tilbage til søgning
Helga Dögg Sverrisdóttir
Guðjón Valur Sigurðsson hefur spilað 356 leiki fyrir landsliðið og er markahæsti handboltamaður landsliða með 1853 mörk (2019).
Guðjón Valur fæddist 8. ágúst 1979. Hann hóf feril sinn ungur og byrjaði með Gróttu á Seltjarnarnesi árið 1986 og spilaði til ársins 1998. Hann er vinstri hornamaður og góð vítaskytta.
Hann flutti til Akureyrar og spilaði með KA frá 1998-2001 áður en hann flutti til Þýskalands. Þar spilaði hann með Tusem Essen frá 2001-2005. Hann hefur verið atvinnumaður í handbolta frá 2001 og er enn árið 2020.
Guðjón varð Evrópumeistari með Essen í Evrópukeppni félagsliða. En síðar varð félagið gjaldþrota og þá fór hann til VfL Gunmersbach og spilaði frá 2005-2008.
Árið 2006 var hann valinn íþróttamaður ársins í Þýskalandi. Sama ár var hann markahæsti maður ,,Bundeslíkunnar” þar í landi.
Guðjón hefur spilað með mörgum liðum, má þar nefna, Rhein-Neckar-Löwen (2008-2011 og 2016-2019), AG Köbenhavn (2011-2012), THW Kiel (2012-2014) og FC Barcelona (2014-2016). Hann spilar nú, 2019, með franska liðinu Paris Saint-Germain.
Hann lék sinn fyrsta A-landsleik 15. desember 1999 gegn Ítalíu. Hann var 20 ára og skoraði 2 mörk í leiknum.
Guðjón Valur var kjörinn íþróttamaður ársins á Íslandi af Samtökum íþróttafréttamanna árið 2006. Hann varð markakóngur HM í Þýskalandi árið 2007, þrátt fyrir að Ísland lenti í 8. sæti.
Guðjón Valur var með þegar landsliðið vann silfur á ÓL í Peking 2008 og brons í Austurríki á EM 2010. Í dag er hann góð fyrirmynd ungu leikmannanna í landsliðinu.
Guðjón var valinn í úrvalslið ÓL í Peking árið 2008 og í úrvalslið EM 2012 og aftur 2014.