Nikolai Frederik Severin Grundtvig er ein av týdningarmestu donsku skøldunum. Grundtvig varð føddur í 1783 í Udby og doyði í 1872 í Keypmannahavn. Hann gjørdist 79 ára gamal.

FO

DA NB SV IS

Tá ið Grundtvig var 9 ára gamal, varð hann sendur langt burtur heimanífrá. Har fekk hann heimafrálæru og kom á latínskúla. Hann gjørdist síðani bæði prestur, rithøvundur, skúlamaður, fólkatingspolitikari og sálmaskald.

FO

DA NB SV IS

Hann skrivaði umleið 1500 sálmar. Nakrir av hesum sálmunum verða sungnir í øllum Norðurlondum, m.a. jólasálmurin, “Fagur himin er at sjá”:

FO

DA NB SV IS

“Fagur himin er at sjá,
stjørnuglógvan, luftin blá,
stjørnur glampa, stjørnur bleiktra,
blídliga tær okkum veittra
/.upp til himmals foldum frá:/.”

FO

DA NB SV IS

Grundtvig fær ofta heiðurin fyri at hava beint fyri “svarta skúlanum”. Hann hevur havt stóra ávirkan á, hvønn hugburð vit hava til skúla og undirvísing í Danmark. Merkisorð hansara vóru “Skúlin fyri lívið”.

FO

DA NB SV IS

Grundtvig náddi at vera giftur tríggjar ferðir. Hann varð giftur fyrstu ferð, tá ið hann var 35 ára gamal við einari, ið æt Lisa. Tá ið hann var 65 ára gamal við Mariu, og aftur tá ið hann var 75 ára gamal við Astu.

FO

DA NB SV IS

Seinni var Grundtvig at finna á donskum frímerkjum.

FO

DA NB SV IS

Hann hevur lagt navn til fleiri kirkjur. Grundtvigskirkjan í Keypmannahavn er størsta kirkjan í Danmark. Kirkjan stóð liðug í 1940.

FO

DA NB SV IS

Grundtvig liggur grivin í einum gravheyggi við Køge á Sælandi.

FO

DA NB SV IS

Kennir tú aðrar sálmar eftir Grundtvig?

FO

DA NB SV IS