Altingið varð stovnað á Tingvøllum í 930. Altingið er eitt av elstu lóggávutingum í heiminum. Tað varð hildið á Tingvøllum til 1798. Her vórðu trætumál loyst og nýggjar lógir samtyktar.

FO

IS DA SV NB

Síðani Altingið varð flutt til Reykjavíkar, hava stórar hátíðir verið hildnar á staðnum, eitt nú tá ið lýðveldið varð stovnað í 1944.

FO

IS DA SV NB

Tingvøllir hava stóran týdning fyri allar íslendingar. Tingvøllir eru í dag friðaðir. Tingvøllir komu á heimsarvslistan hjá UNESCO í 2004.

FO

IS DA SV NB

Søgan og náttúran dregur nógv ferðafólk at sær. Staðið er í sokallaða “Gylta ringinum”. Ferðafólk vitja Tingvøllir summar, vetur, vár og heyst. Hvør árstíð hevur sína sjarmu, sum broytir landslagið.

FO

IS DA SV NB

Í ánni Silfru ber til at kava við snorkli. Vatnið í ánni er sera klárt og blátt, tí tað er bræðingarvatn frá einum jøkli og hevur verið í jørðini í nógv ár. Í Silfru kanst tú nerta við tvær meginlandaplátur samstundis.

FO

IS DA SV NB

Tingvøllir eru á markinum millum norðuramerikonsku og evrasiatisku plátuna og liggja fram við einum eldgosaryggi, sum fer tvørtur gjøgnum Ísland. Á vári 1798 rakti ein jarðskjálvti Tingvøllir, sum vardi í 10 dagar.

FO

IS DA SV NB

Tingvallavatn er størsta vatnið í Íslandi. Tað er um 83,7 km2  til støddar. Tað er eisini sera djúpt, 114 m. Í tjóðgarðinum er stórur skógur við birkitrøum.

FO

IS DA SV NB

Øxará er stór á, sum rennur í hin vakra Øxaráarfossin. Haðani rennur fossurin í Tingvallavatn.

FO

IS DA SV NB

Kennir tú onnur støð, sum eru á heimsarvslistanum hjá UNESCO?

FO

IS DA SV NB