Ruoktot
Tråante
Tråante
5. - 7. kl. Åarjel-saemiej skuvle
4
Tråante Trööndelagesne, gaskoeh Nøørjesne. Aerebe staaren nomme Nidaros jïh dïhte lij Nöörjen åejviestaare jaepiej 1030 – 1217. Tråante lea 4. stööremes staare Nöörjesne. Daesnie 190 000 almetjh årroeh.
5
6
Olav Trygvasson lij gånka Nöörjesne jaepiej 995 –1000, jïh dïhte Tråantem tseegki jaepien 997. Tråanten jarngesne statue mij lea 14 m jolle Olav Tryggvassoneste.
7
8
Tråanten tjïrrh stoerre jeanoe man nomme Nid-jeanoe galka. Dïhte lea 163 kijlomeeterh guhkie. Jeanoe Selbu-jaevreste båata jïh jeanoen njaelmie lea Tråantenfjovlese.
9
10
Munkholmen lea sååle fjovlesne Tråanten lïhke. Desnie klostere orreme jïh naan munkh desnie årroejin. Aerebi Munkholmen aaj geeremegåetie orreme. Giesege gellie pruvhkieh vïnhtsine dohka vuelkedh.
11
12
Nidarosdome lea akte stoerre gærhkoe gaskoeh Tråantesne. Dïhte bijjelen 720 jaepien båeries. Aejlies Olav desnie jöörteme. Dan åvteste Nidarosdomem desnie bigkin.
13
14
Jaepien 1917 saemien voestes laante-tjåanghkoe Tråantesne. Desnie saemieh abpe Nöörjeste jïh aaj naan Sveerjeste gaavnedin saemiej reaktaj bïjre digkiedidh. Tjåanghkoe lij Metodist-gærhkosne staaren jarngesne.
15
16
Rosenborg lea Tråanten juelkietjengkere-dåehkie. Karre-dåehkie jaepien 1917 tsegkesovvi jïh dah 26 serieh jïh 12 cuph (NM) vitneme. Mænngan 2020 aaj nyjsenæjja-dåehkie man nomme Rosenborg. Lerkendal lea Rosenborgen stadiume. Desnie sijjieh 20 000 almetjidie.
17
18
Båeries staarepuvvie akte geajnoepruvvie Nid-jeanoen bijjelen. Dïhte rijries sjïdti jaepien 1861. Pruvvie aaj «læhkoen soelmehte» gohtjesåvva. Daelie åådtje barre vaedtsedh jïh sygkeldidh pruvvien bijjelen.
19
20
Tråanten tåarjen baalte statue man nomme Go’dagen (Buerie biejje). Anna Holm båeries gåmma gïe ‘buerie biejjie’ gaajhkesidie jeehti. Tone Thiis Schjetne statuem dorjeme.
21
22
Daate Kristiansten festning mij jaepien 1681 tseegkesovvi. Dïhte edtji Tråantem vaarjelidh. Jaepien 1816 orriji dam nuhtjedh. Daelie saludtem destie vuetjieh 7 biejjieh fïerhten jaepien.
23
24
Stiftsgården lea gåankan gåetie Tråantesne. Dïhte lea Noerhtelaanti stööremes moere-gåetie. Daennie gåetesne leah 70 tjïehtjelh. Dïhte tsegkesovvi jaepiej 1774-1778. Gåankan gåetie sjïdti jaepien 1906.
25
26
Tyholt-tåarne lea 124 m jolle. Dïhte lea akte radio- jïh gaskesadteme-tåarne. Tåarnen sisnie aaj akte restaurante mij jårra. Destie maahtah abpe Tråantem vuejnedh.
27
28
Daarjoe-jarngesne datne maahtah stååkedidh jïh ovmessie lïeredh matematihken, teknologijen jïh eatnamefaagen bïjre. Luste desnie!
29
30
Rush lea akte trampolinesåafoe. Daesnie maehtebe njulhtjedh jïh stååkedidh. Gellie ovmessie trampolinh, bovretje jïh massasje-stovle gååvnesieh. Datne maahtah aaj dov reakedsbiejjiem daesnie heevehtidh.
31
32
Tråante
Foto/ Myndir/ Asseq/ Valokuva/ Govvá/ Guvvieh/ Nuotraukos/ Fotod/ Bil/ Photo:
S1: Michelle_Raponi - Pixabay.com
S4: Åge Hojem/Trondheim Havn - commons.wikimedia.org
S6+20: Tone Marie Larsen
S8: Rick Smit - commons.wikimedia.org
S10: Diego Delso - commons.wikimedia.org
S12: Holger Uwe Schmitt - commons.wikimedia.org
S14: Saemien Sijtes fotoarkiv/Schrøder-arkivet/Sverresborg - snl.no
S16: SSU - commons.wikimedia.org
S18: Bård Løken - ndla.no
S22: DXR - commons.wikimedia.org
S24: lex.dk
S26: Rune Gilberg Jensen - commons.wikimedia.org
S28+30: Aina Lisa Wilks
S32: Zapf - commons.wikimedia.org
© 2024 atlantbib.org
X