Bergen verður kallaður býurin millum tey sjey fjøllini. Býurin liggur á Vestulandinum og er næststørsti býur í Noregi. Kring Bergen eru firðir og fjøll. Her búgva reiðiliga 280.000 fólk.

FO

NB NN IS DA SV DE KL

Sambært søgunum grundlegði Ólavur Kyrri kongur Bergen 1070. Býurin hevur 950 ára hátíðarhald í 2020. Býurin var høvuðsstaður í Noregi 1217-1314.

FO

NB NN IS DA SV DE KL

Týsku hansakeypmenninir bygdu “Bryggen” í Bergen í miðøld. Haðani handlaðu teir við stóran part av heiminum. Síðani 1979 hevur “Bryggen” verið á heimsarvslistanum hjá Unesco.

FO

NB NN IS DA SV DE KL

Skjaldarmerkið hjá Bergen er ein borg við trimum tornum. Borgin hvílir á sjey fjøllum. Litirnir á skjaldarmerkinum eru reytt og gull.

FO

NB NN IS DA SV DE KL

Hægsta fjallið í Bergen eitur Ulriken. Tað er 643 metrar høgt. Eitt annað fjall, sum ferðafólki dámar væl, er Fløjen. Tú kanst sleppa heilt niðan á tindin við “Fløibanen”, haðani fæst eitt frálíkt útsýni yvir býin.

FO

NB NN IS DA SV DE KL

Søgan sigur, at gandakellingarnar í Bergen savnast á Fløien. Á tindinum er bæði spælipláss, útibio, kaffistova og ein trøllaskógur, alt samalt 400 m yvir havinum.

FO

NB NN IS DA SV DE KL

Ludvík Holberg var ein dansk/norskur rithøvundur. Hann varð føddur í Bergen og var næmingur í Latínskúlanum í “Lille Øvregate”. Hann er kendur fyri at hava skrivað spei og skemtileikir. Kendastu leikir hansara eru Jeppi á Fjallinum og Erasmus Montanus.

FO

NB NN IS DA SV DE KL

Bergen er kendur fyri at vera býurin, har tað regnar einamest í øllum heiminum. Fólk í Bergen eru errin av sínum regnbýi, men veðrið kann eisini vera av tí fagrasta. Øll í Bergen eiga bæði regnskjól og gummistyvlar.

FO

NB NN IS DA SV DE KL

Vátasta plássið í Bergen man vera akvariið. Akvariið í Bergen lat upp í 1960. Her eru bæði fiskar, pingvinir og krokodillur. Vátasta kossin í býnum fært tú frá sjóleyvunum, sum hava sýning hvønn dag.

FO

NB NN IS DA SV DE KL

Fótbóltsliðið í Bergen eitur Brann. Felagið varð stovnað í 1908. í 2007 vann Bergen gull fyri fyrstu ferð síðan 1963.

FO

NB NN IS DA SV DE KL

Bergensar eru gitnir fyri at tosa nógv og skjótt, Nógv orð eru sermerkt fyri Bergen. Her letur ein seg í badiken, tá farið verður at svimja, fólk verða ørg, om ein ikki “beliter seg (letur seg tapa í leiki), og fólk tveita boss í rúskspannina. Tá onkur sigur tidi merkir tað, at okkurt er stuttligt.

FO

NB NN IS DA SV DE KL

Hvat dámar tær best við tínum heimbýi? Hvussu er veðrið, har tú býrt?

FO

NB NN IS DA SV DE KL