![](https://atlantbib.org/sites/default/files/logo_0.png)
Aftur til leiting
Emelía Sara Ásgreirsdóttir og Sóley Eggertsdóttir - Breiðholtsskóli
Öll börn og unglingar á aldrinum 6-16 ára eiga að stunda grunnskólanám. Flest börn stunda nám í sínum hverfisskóla.
Sumir skólar eru mjög fámennir, sundum 2-5 nemendur en í fjölmennustu skólunum eru um 1000 nemendur.
Í dag eru ekki lengur heimavistarskólar en sumir nemendur þurfa að ferðast með skólabíl. Þeir sem fara lengst eru oft einn klukkutíma hvora leið.
Í 1.-4. bekk eru nemendur 30 kennslustundir á viku í skólanum en í 5.-7. bekk eru nemendur 35 kennslustundir. 8.-10. bekkur er síðan 37 stundir á viku í skólanum. Hver kennslustund er 40 mínútur.
Í hverri viku eru 3 tímar í íþróttum hjá öllum nemendum. Margir skólar eru með íþróttasal en í minni bæjum eru íþróttahúsið og sundlaugin oftast við hliðina á skólanum og notuð til kennslu.
Sund er skyldufag allan grunnskólann. Allir nemendur eiga að fá sundkennslu minnst 20 tíma á ári. Sumir skólar eru með eigin sundlaug en annars fara nemendur í þá sundlaug sem er næst skólanum.
í 1.-4. bekk er aðaláherslan lögð á lestur, íslensku og stærðfræði. Einnig læra nemendur náttúrufræði, samfélagsfræði, íþróttir, list og verkgreinar. Nemendur byrja að læra ensku í þriðja eða fjórða bekk.
Á miðstigi eða í 5.-7. bekk eru sömu námsgreinar og í 1.-4. bekk en áherslurnar breytast. Í 6. eða 7. bekk byrja nemendur að læra dönsku.
í 1. -7. bekk eru allir nemendur í list og verkgreinum yfirleitt 4 tíma á viku og eru í 6-8 vikur í hverju fagi. Þá er nemendum yfirleitt skipt í minni hópa. Oft er heilum árgangi skipt í hópa þvert á bekkina.
Í unglingadeild eru kjarnagreinar sem eru íslenska, stærðfræði, enska, danska, samfélagsfræði og náttúrufræði. Síðan koma íþróttir og sund 3-4 tíma á viku. Þetta eru um 30 tímar á viku.
Nemendur geta síðan valið sér námsgreinar 7-8 tíma á viku. Valgreinar eru mismunandi eftir skólum en oft er boðið upp á spænsku, þýsku, matreiðslu, smíði, textíl, kvikmyndagerð, tónlist, fótbolta, handbolta og margt fleira.
Allir grunnskólar eru með mötuneyti og bjóða upp á heitan mat í hádeginu. Foreldrar borga hluta af kostnaði.