![](https://atlantbib.org/sites/default/files/logo_0.png)
Tilbage til søgning
Helga Dögg Sverrisdóttir
Guðmundur Þórður Guðmundsson fæddist 23. desember 1960. Hann spilaði handbolta með Víking frá 1967-1992 og Aftureldingu í Mosfellsbæ frá 1992-1995. Hann var spilandi þjálfari beggja liða á tímabilinu 1989-1995.
Fyrsti landsleikurinn hans var 1980 og spilaði hann 230 leiki. Guðmundur skoraði 356 mörk. Hann var vinstri hornamaður.
Guðmundur hefur þrívegis þjálfað íslenska landsliðið: 2001-2004, 2008-2012 og frá 2018-2023. Undir hans stjórn vann liðið silfur á OL 2008 og brons á EM 2010. Liðið varð í fjórða sæti á EM 2002.
Guðmundur þjálfaði danska landsliðið frá 2014-2017. Liðið vann gullverðlaun á OL 2016. Á OL fá þjálfarar enga medalíu sagði Guðmundur í viðtali eitt sinn og því á hann enga. Bara minningar.
Áður en Guðmundur tók við danska landsliðinu þjálfaði hann mörg félög. Undir hans stjórn vann Fram Íslandsmeistaratitilinn árið 2006. Hann hefur þjálfað danska félagið GOG Svendborg, 2009-2010, og þýska félagið Rhein-Neckar Löwen frá 2010-2014.
Guðmundur er talinn mjög góður þjálfari og hefur gengið vel með þau lið sem hann þjálfar. Hann er óhræddur við að taka unga stráka í landsliðið og gefa þeim tækifæri á að spila.
Guðmundur undirbýr alla leiki mjög vel. Hann ræðir við leikmenn um alls konar leikaðferðir og nefnir þær. Að leik loknum er upptaka af leiknum skoðuð til að sjá hvað má betur fara næst.
Í íslenska þjálfateyminu eru þrír þjálfarar. Forseti Íslands Guðni Th. Jóhannesson mætir oft á alþjóðlega keppni eins og HM, EM og OL til að fylgja sínu liði.