Maniitsoq kalaallit Nunaata kitaaniippoq. 1782-imilu tunngavilerneqarluni. 2.800-nillu inuttussuseqarluni. Kalaallit nunaannilu illoqarfiit anginerit arfinileraat.

DA SV NB FI IS

Maniitsoq Qeqqata kommuniani illoqarfiuvoq, Kommunemi Sisimiut illoqarfiit annersaraat. Ulloriarujussuit marluk tassaapput Sisimiut Maniitsullu ilisarnaataat.

DA SV NB FI IS

Illoqarfik qeqertarpannut imartarasaartumut siammarsimavoq. “Kalaallit nunaata Venedig-anik” taaneqartarportaaq.

DA SV NB FI IS

Illoqarfiup atia isumaqarpoq “nuna maniitsoq”. Ilumoorpoq, illoqarfimmi maniitsupilussuuvoq. Danskinit nunasiaagallarmat Sukkertoppenimik ateqarsimagaluarpoq. Arfanniat Hollandimiut illoqarfik sukkertoppenimik atsersimavaat qaqqat sukkut qaavinut assingummata.

DA SV NB FI IS

Maniitsup uumasoqarfiunini pisuussutigaa. Illoqarfiullu eqqaa aalisagarpassuaqarpoq nujuartanillu uumasoqarluni. Qipoqqaat tikaagulliillu illoqarfimmut qanillilluinnarsinnaasarput.

DA SV NB FI IS

Maniitsormiut aalisarneq piniarnerlu annertunerpaamik inuussutissarsiutigaat. Maniitsumi marlunnik aalisakkanik suliffissuaqarpoq.

DA SV NB FI IS

Maniitsup immikkoorutaasa ilagaat heli-ski-mik misiliiffiusinnaammat. Isumaqarpoq qulimiguulimmik ilaalluni qaqqat qaavinukarneq sisoraatinik majuartaatit atunngikkaluarlugit. Illoqarfik qaasuitsup killeqarfiata kujataatunginnguani inissisimavoq.

DA SV NB FI IS

Maniitsup katersugaasivia takusarneqarsinnaavoq. Takutitassiarineqarsimallutillu illoqarfiup eqqaamiuisalu kulturiat oqaluttuassartaalu. Dronningilu 2015-imi pulaarsimavoq.

DA SV NB FI IS

Nunamik nuannarisaqaraanni, aliikkutaralugu aalisartartuugaanni kiisalu qajartortartuugaanni Maniitsoq periarfissalippassualik takusagassatsialaavoq.

DA SV NB FI IS

Kalaallit nunaanni illoqarfinnik allanik ilisimasaqarpit?

DA SV NB FI IS