Christian Dannemann Eriksen er føddur 14. februar 1992. Hann er úr Middelfart á Fjóni.

FO

DA IS SV LT

Christian Eriksen byrjaði í Middelfart G&BK. Síðani fór hann til OB (Odense bóltfelag), har hann spældi í 3 ár sum unglingaleikari.

FO

DA IS SV LT

Í 2008 skifti Eriksen frá OB til AJAX Amsterdam í Hollandi. Hann spældi á unglingaliðnum í tvey ár og flutti síðani upp á fyrstaliðið, sum hann spældi fyri til 2013.

FO

DA IS SV LT

Í 2013 skifti Eriksen til Tottenham Hotspur í London, sum hann hevur spælt fyri síðani (2020: Inter). Hann spælir mest álopssinnaður miðvallaleikari.

FO

DA IS SV LT

Eriksen varð í 2010, sum 18 ára gamal, úttikin til sín fyrsta landsdyst við danska A-landsliðnum. Landsliðið spældi venjingardyst móti Eysturríki. Til HM í Suðurafrika í 2010 var hann tann yngsti leikarin.

FO

DA IS SV LT

Í 2010-2012 spældi Eriksen 30 landsdystir og skoraði bara 2 mál. Í 2015-2017 spældi hann 26 landsdystir og skoraði 16 mál.

FO

DA IS SV LT

Christian Eriksen er ein leikari, sum er ógvuliga eyðmjúkur, og hann er ofta friðarligur. Eriksen fær ofta rós frá venjarunum. Í 2017 segði landsliðsvenjarin, Åge Hareide, at Eriksen var millum 10 teir bestu leikararnir í heiminum.

FO

DA IS SV LT

Christian Eriksen varð kosin “Ársins leikari” í Danmark í 2011, 2013, 2014 og 2017.

FO

DA IS SV LT

Lítlasystir hansara eitur Louise Eriksen, og hon varð úttikin til danska kvinnulandsliðið í 2017. Til dagligt spælir hon fyri KoldingQ (2018).

FO

DA IS SV LT

Hvør, heldur tú, er heimsins besti fótbóltsleikari?

FO

DA IS SV LT