Í Íslandi er nógv vatn. Har er nógv grundvatn, og tað kavar og regnar. Har kemur eisini vatn, tá jøklarnir bráðna, mest á sumri. Í Íslandi eru fjøll og heyggjar, tí eru nógvir fossar har.

FO

IS DA NB NN SV DE

Nakrar av áunum eru fjallaáir, og tær eru klárar og reinar. Jøklaáirnar koma av jøklunum og tær hava eina rúgvu av sandi og leiri í sær. Ofta møtast hesar áir, og tað er áhugavert at síggja tær blandast saman.

FO

IS DA NB NN SV DE

Dettifossur er kraftmiklasti fossur í Íslandi, hann er 100 metrar breiður og 45 metrar høgur. Áin, sum fossurin er av, eitur Jökulsá á Fjöllum. Nær við Dettisfoss eru tveir smærri fossar - Hafragilsfossur og Selfossur.

FO

IS DA NB NN SV DE

Gullfossur er best dámdi og mest vitjaði fossur í Íslandi. Gullfossur er í ánni Hvítá, og hon kemur av Langjøkli. Fossurin er 32 metrar og er býttur í tveir fossar.

FO

IS DA NB NN SV DE

Niðan fyri Eyjafjallajøkul er Seljalandsfossur. Hann er 62 metur høgur og væl umtóktur av ferðafólki. Tað ber til at fara afturum fossin, sum nógv halda vera nakað heilt serligt.

FO

IS DA NB NN SV DE

Skógarfossur er ein 60 metrar høgur og 25 metrar breiður fossur í Skógá. Hann er hin seinasti  av mongum fossum í Skógá og hin vakrasti. Søgnin sigur, at í hellinum aftan fyri fossin er ein gullkista.

FO

IS DA NB NN SV DE

Dynjandi eitur fossur við Vestfjørðin. Ovast er fossurin 30 metrar breiður, men 60 metrar breiður niðast. Fossurin er 100 metrar høgur, og har eru fleiri fossar longri niðri.

FO

IS DA NB NN SV DE

Í tjóðarparkini Skaftafelli ligguri Svartifossur. Rundan um fossin er sera vakurt stabbagrót.

FO

IS DA NB NN SV DE

Hraunfossar koma ikki frá eini á, men vatnið kemur beinleiðis úr lavuni í nógvar smáar fossar, sum renna í Hvítá í Borgarfirði.

FO

IS DA NB NN SV DE

Goðafossur er í Skjálfandafljóti og er 12 metrar høgur. Sagt verður, at Thorgeir løgmaður blakaði sínar heidnu gudamyndir í fossin, tá Ísland valdi kristindómin ár 1000. Tí fekk fossurin hetta navnið.

FO

IS DA NB NN SV DE

Allir fossar eru ikki stórir. Í Elliðaárdali í høvuðsstaðnum Reykjavík, er ein lítil fossur, ið børnum dáma væl at leypa niðurav, tá veðrið er gott.

FO

IS DA NB NN SV DE

Eru fossar í tínum heimlandi?

FO

IS DA NB NN SV DE