Lukas Forchhammer er føddur 18. september 1988. Nógv halda, at hann eitur Lukas Graham, men í veruleikanum er tað navnið á bólki hansara.

FO

DA SV IS LT

Lukas Forchhammer er hálvur dani og hálvur íri. Graham er írska eftirnavnið á pápa hansara. Tí eitur bólkurin Lukas Graham.

FO

DA SV IS LT

Bólkurin er mannaður av Lukasi sjálvum, trummusláaranum, Mark Falgren, bassleikaranum, Magnusi Larsson, og Morten Ristorp á ljómborði. Fyrr hava Anders Kirk og Kasper Daugaard eisini spælt við sum klaverleikarar.

FO

DA SV IS LT

Lukas Forchhammer er uppvaksin á frístaðnum, Christiania, í Keypmannahavn. Kendi danski teknarin og rithøvundurin, Kim Fupz Aakeson, er mammubeiggi Lukas.

FO

DA SV IS LT

Lukas hevur sungið í dreingjakóri í nógv ár og gjørdist á ungum árum barnasjónleikari. Hann varð kendur sum Grunk í filminum “Krummerne”. Hann hevur eisini lagt rødd til fleiri teknifilmar í Danmark.

FO

DA SV IS LT

Fyrsta útgávan hjá bólkinum eitur “Lukas Graham”, og seinna útgávan eitur “Blue Album”.

FO

DA SV IS LT

Lukas Forchhammer sigur frá upplivingum, sum hann sjálvur hevur verið fyri, í sangum sínum. “7 Years” er sangur til heiðurs fyri pápa hansara, sum brádliga doyði.

FO

DA SV IS LT

Í 2015 lá útgávan hjá Lukasi Graham, Blue Album, á 1. plássi millum 40 teir best umtóktu útgávurnar í Danmark. Lukas Graham segði nei takk, tá ið onkur bjóðaði teimum sjey milliónir krónur fyri at varðveita rættindini til sangir teirra.

FO

DA SV IS LT

Lukas Graham hevur vunnið nógvar danskar virðislønir og verið tilnevndur fleiri altjóða virðislønir - bæði Grammy og MTV Awards.

FO

DA SV IS LT

Í september 2016 gjørdist Lukas pápi, tá ið hann og unnusta hansara fingu lítlu Viólu.

FO

DA SV IS LT

Kennir tú onkran sang hjá Lukasi Graham?

FO

DA SV IS LT