Hægsti bygningur í heiminum er Burj Khalifa í Dubai. Hann er 828 metrar høgur. Í hesi bókini kanst tú lesa um 10 teir hægstu bygningarnar í Norðurlondum.

FO

SV IS DA DE LT

Á 10. plássi er dómkirkjan í Linkjöping í Svøríki. Dómkirkjan er 107 metrar høg. Hon varð bygd umkring 1020 og varð liðug í 1153. Kirkjan er næst størsti kirkjubygningur í Svøríki.

FO

SV IS DA DE LT

Á 9. plássi er posthúsið (fyrr postgirohúsið), sum er í Oslo í Noregi. Posthúsið er 112 metrar høgt. Húsið varð bygt í 1975 og varð gjørt liðugt í 2003. Í tí sambandi varð húsið eisini umbygt og bygningurin býttur upp í tvey torn.

FO

SV IS DA DE LT

Á 8. plássi er Santa Klara kirkjan í Stokkhólmi í Svøríki. Kirkjan er 116 metrar høg. Hon var bygd í 1500-talinum. Klara kirkjan er næst hægsta kirkja í Skandinavia.

FO

SV IS DA DE LT

Á 7. plássi er Radisson SAS Plaza Hotel (eitur eisini Oslo Plaza), sum liggur í Oslo í Noregi. Hotellið er 117 metrar høgt. Hotellið stóð liðugt í 1989. Uttan á bygninginum er ein glaslyfta, sum fer allan vegin upp.

FO

SV IS DA DE LT

Á 6. plássi er Kista Science Tower, sum er í Stokkhólmi í Svøríki. Tornið er 117,2 metrar høgt. Byrjað varð at byggja tað í 2000, og tað stóð liðugt í 2002. Lyfturnar í Kista Science Tower eru eisini tær kvikastu í Svøríki við eini ferð upp á 5-6 m/s.

FO

SV IS DA DE LT

Á 5. plássi er dómkirkjan í Uppsala í Svøríki. Dómkirkjan er 118,7 metrar høg. Byrjað varð at byggja kirkjuna í 1272, og hon var vígd í 1435. Uppsala dómkirkja er ein dómkirkja í gotiskum sniði.

FO

SV IS DA DE LT

Á 4. plássi er Herlev Hospital, sum er í Herlev í Danmark. Sjúkrahúsið er 120 metrar høgt og var liðugt í 1976. Tað er eitt av størstu sjúkrahúsum í Danmark við umleið 4000 starvsfólkum.

FO

SV IS DA DE LT

Á 3. plássi er Näsinneula Tower, sum er í Tammerfors í Finlandi. Tornið er 168 metrar høgt. Byrjað varð at byggja í 1969, og tað stóð liðugt í 1971. Tað er hægsta fríttstandandi bygningsverk í Finnlandi, og næst hægsta útsýnistorn í Norðurlondum.

FO

SV IS DA DE LT

Á 2. plássi er Kaknästornið, sum er í Stokhólmi í Svøríki. Tornið er 170 metrar høgt við mastrini. Byrjað varð at byggja tað í 1963, og tað var liðugt í 1967. Tornið er miðdepul fyri útvarps- og sjónvarpsnetinum hjá Teracom í Svøríki.

FO

SV IS DA DE LT

Á fyrsta plássi hava vit Turning Torso, sum er í Malmø í Svøríki. Tornið er 190,4 metrar høgt. Turning Torso varð bygt frá 2001-2005. Tornið sæst langvegis - báðu megin Oyrasund.

FO

SV IS DA DE LT

Tvey torn í Svøríki standa í gerð og verða væntandi liðug í 2025. Tellus Tower er í Stokhólmi, tað verður 243 metrar høgt. Hitt verður bygt í Gøteborg og eitur Pólstjørnan. Tað verður 245 metrar høgt og verður ætlandi liðugt í 2024.

FO

SV IS DA DE LT

Veitst ú aðrar høgar bygningar?

FO

SV IS DA DE LT