Koronavirus er eitt nýtt virus, sum á fyrsta sinni varð uppdagað í Kina í 2019. Tað elvdi til eina farsótt har. Virusið líkist einum kransi og eitur tí Korona. Tað er latín og merkir kransur ella krúna.

FO

DE DA IS SV NB LV KL ET LT

Tá virusið ger okkum sjúk, eitur tað COVID-19. Tað er ein ensk stytting fyri “Corona virus desease 2019”. Enn finst einki koppingarevni móti tí.

FO

DE DA IS SV NB LV KL ET LT

Koronavirus hevur spjatt seg sera skjótt til Evropa og allan heimin. Tí eitur tað nú ein alheimsfarsótt ella ein pandemi. Mong eru vorðin sjúk. Summi fáa eingi sjúkueyðkenni, tey flestu gerast eitt sindur sjúk, og onnur gerast álvarsliga sjúk.

FO

DE DA IS SV NB LV KL ET LT

Børn eru ikki í vandabólki. Gomul fólk og onnur, sum eru veik av tí, at tey hava aðrar sjúkur, kunnu gerast álvarsliga sjúk. Sjúkueyðkennini minna um beinkrím við t.d. hosta, fepri og at hava ilt við at draga andan.

FO

DE DA IS SV NB LV KL ET LT

Fólk, sum hava fingið staðfest koronasmittuna, verða sett í sóttarhald. Tað merkir, at tey antin skulu vera heima við hús ella verða sett í sóttarhald onkra aðra staðni.

FO

DE DA IS SV NB LV KL ET LT

Vit kunnu verja okkum sjálvi og onnur við at halda nakrar einfaldar ásetingar.

FO

DE DA IS SV NB LV KL ET LT

Vaska tær væl um hendurnar við sápu í 30 sekund og brúka spritt. Syng sangin Dovni Jákup tvær ferðir ímeðan. Ger tað, áðrenn tú fert til borðs og aftaná, tá tú hevur verið á vesi, og tá tú hevur snýst tær.

FO

DE DA IS SV NB LV KL ET LT

Hosta og njósa inn móti arminum við albogan og ansa eftir øðrum við at hava fjarstøðu.

FO

DE DA IS SV NB LV KL ET LT

Hav ikki tætt samband við onnur, t.d. við at taka í hondina, mussa ella klemma. Har fleiri fólk ganga, er neyðugt at gera reint oftari.

FO

DE DA IS SV NB LV KL ET LT

Tann, sum kennir seg sjúkan, skal halda seg heima við hús og ringja til lækna, um hann fær nógvan fepur og fær ilt við at anda.

FO

DE DA IS SV NB LV KL ET LT

Í mars 2020 lótu mong lond skúlar, barnagarðar og handlar aftur, og tað varð bannað at savnast í stórum tali, hetta fyri at seinka sjúkuni at spjaða seg.

FO

DE DA IS SV NB LV KL ET LT

Um øll verða sjúk samstundis, hava sjúkrahúsini ikki nóg mikið av seingjarplássum. Eisini eru landamørkini millum fleiri lond stongd.

FO

DE DA IS SV NB LV KL ET LT

Heimsmál nr. 3 eitur “Góð heilsa og vælvera” og snýr seg um, at øll menniskju í øllum londum eiga rætt til góða heilsu innan 2030. COVID-19 er bert ein av mongum farsóttum í heiminum. Tí er umráðandi, at heilivágur altíð er nóg bíligur hjá øllum.

FO

DE DA IS SV NB LV KL ET LT

Hóast kreppan kann kennast ófrættakend ella óhugnalig, er umráðandi at trúgva, at tað verður gott aftur. Tað er umráðandi at tosa við ein vaksnan um sínar hugsanir.

FO

DE DA IS SV NB LV KL ET LT

Hugsar tú um, hvussu tú kanst ansa eftir tær og øðrum? Veitst tú onkran annan sang, sum varir umleið 30 sekund, sum tú kanst syngja, meðan tú vaskar tær um hendurnar?

FO

DE DA IS SV NB LV KL ET LT