Ferfattern Gösta Knutsson skrievd byökär um Pelle Rumplos. Gösta kam til 1908. 1937 fann Gösta upp isstorų um Pelle Rumplos. Juolę 1939 dugd an lesą̊ fuost buotję um Pelle Rumplos. Gösta wart 65 år og duo 1973.

OVD

SV DA IS

Eð ir i Uppsal so mjäst åv ollum Pelle Rumplos byökum autspilå sig, elst nest Övre Slottsgatan i Uppsal. Dier sai massär åv apt riktugförebildą.

OVD

SV DA IS

Pelle kam til autfer Uppsala. An kam til ą̊ ienum buondgarde. Pelle kolles Pelle Rumplos etersos int an ar ingg rumpu. Pelle ir ien frekåmass. Pelle byggd fuost nest ienum menistjfamilj men sę byggd an ilag min Maja Flätnev.

OVD

SV DA IS

Maja Flätnev ir įe frek og börg kattkull. Maja ir it redd noð fer autą̊ rakką og sturliker äventyrę. Maja räðes it sai ur ą̊ tyttjer.

OVD

SV DA IS

Maja tapper kringgt brott gräjum sainum. Dą̊ ser mun ennes Gunsan slarv-Maja. Maja og Pelle irå wildest kompiser og tyttj um wennanan uvendes mitjið. Dar Pelle ir autstelld kumb Maja og redder an. Milumað ir eð og Pelle so jåp Maja.

OVD

SV DA IS

Måns ir ien roð og grann masse. An ar tųo so olltiett sai ja að oll du ser so iett Bill og Bull. Måns will sją̊ knipun aut og ir liuotny̨ögd min launggrumpun senner. Pelle werd djietað åv Måns för int an ar ingg rumpu. Måns, Bill og Bull byddj i ienum tjällergluddj i Gropgränd.

OVD

SV DA IS

Bill og Bull åvå olltiett werið ilag so laindj dier drågå sig et minnes. Dier akudir kringgt og strai´tt. Bill og Bull irå idjentligen fretjir men irå i lag min Måns laik so.

OVD

SV DA IS

Trisse ir ien stur kringglun og sturfrek masse. An sturliker wårå ilag min Biffen og buðę ånumes. An ir wenest karulin yvyr Biffen og jåp åm tag um and sig kundą.

OVD

SV DA IS

Biffen tyttjer um jätå sos faðer ånums Trisse. Biffen ir diger og ar iet kafi so ietter Biffenes Buð. Biffen will djienn diel min sig åv riseptum sainum og ir glåmåstinn.

OVD

SV DA IS

Gullan tyttjer um kläð sig grannt og wårå min kåmpisum. Ą̊ drömer um te åvå ien iegen buð i Stokkol. Gullan tyttjer um djärå ruosettą.

OVD

SV DA IS

Gambel-Maja ir gamblest massn i Uppsala. Ą̊ byddjer i ien åv tornę duomtjyörtjun. Um en ą̊ int ärer noð warut og syöks wårå gambelaktun so ir ą̊ muosk og frek. Dar Måns ir lieð wįð Pelle ir eð bar Gambel-Maja so tuos skråtå að Måns.

OVD

SV DA IS

Gunsan ir įe mun so ir įesum. Ą̊ ar ien kull so ietter Maja so ir wenest slabbun. Gunsan ar og ien föskaul so ietter Kattis. Eð ir dar kattunggär go i föskaulam. Gunsan ir wenest straingg.

OVD

SV DA IS

Laban tyttjer um kweðå operų og klassiskwaisur. An ir snogg, knipun og ir frą̊ ienum liuotmusikaliskum familje. Laban ir it indjin buondkatt.

OVD

SV DA IS

Kennes du wið eld ar du lesið nog buok um Pelle Rumplos og wenną os?

OVD

SV DA IS